Retro rotaļlietu izstādē "Ceļojums uz bērnības zemi" apmeklētāju uzmanību un simpātijas izpelnījās kāds ievērojama vecuma lāčuks ar dzeltenu lenti ap kaklu. Tā saposies viņš ieradās pie mums, līdzi paņēmis savu interesanto dzīvesstāstu.
Atmiņās par šo simpātisko ķepaini izstādes atklāšanā dalījās tā īpašniece Maruta Latkovska.
TRAKTORISTS
Muns lelais bierneibys draugs beja bryuns pļuša luoceits. Mama beja nūbraukuse iz kursim Reigā. Jū natyku redziejuse garuoku laiku. Kai duovonu jei maņ atvede itū luoceiti, kurs muocēja pat "runuot". Es jū vysur nosuoju leidza, ar jū spieliejūs i jū žāluoju. Bet tai jau soka, ka par daudz lela meileiba ari var byut par škodi. Tai munam luoceišam atkryta speideiguo daguna pūdzeņa i pats jis suoce izavērt taids biedeigs i nūplucs. Dagunu dzedeņš davylka ar druoti. Vystik baba izlēme, ka itai spieļu maņteņa nu mane koč kai juopasorgoj. Jei maņ pastuosteja, ka luoceits ir īsastuojs dorbā kolhozā par traktoristu i sātā byus viņ sestdīnēs i svētdīnēs. Es jau zynuoju, ka maizeiti peļnej mama i paps, nu lai jau niu tū dora ari luoceits. Ar lelu napacīteibu gaideju juo breivlaika. A tod kaidu dīnu es, staiguojūt pa siņcem, sadūmuoju pasavērt babys skreinē. Sajiemu vysus spieceņus i pacieļu skreinis vuoku tai, kai varieju tī ībuozt golvu. I tovu breinumu, kū es tī īraudzeju- babys deči, goldauti, skusti...A iz jūs- guļ muns traktorists!
P.s. No Marutas Latkovskas grāmatas "Unuceite"
Nav komentāru:
Ierakstīt komentāru